जिला बांदा, ब्लाक बबेरू हेंया के सामुदायिक स्वास्थ्य केन्द्र मा 8 डाक्टर के भर्ती है जेहिमा से 3 डाक्टर बस काम करत हैं।डाक्टर का पद खाली पड़ा हैं।हेंया के अस्पताल मा एकौ मेहरिया डाक्टर भी नहीं आहीं जेहिसे गर्भवती मेहरियन का बहुतै परेशानी होत है।जिला बांदा, ब्लाक बबेरू हेंया के सामुदायिक स्वास्थ्य केन्द्र मा 8 डाक्टर के भर्ती है जेहिमा से 3 डाक्टर बस काम करत हैं।डाक्टर का पद खाली पड़ा हैं।हेंया के अस्पताल मा एकौ मेहरिया डाक्टर भी नहीं आहीं जेहिसे गर्भवती मेहरियन का बहुतै परेशानी होत है। डाक्टर न होय से जउन मरीजन के हालत ज्यादा ख़राब होत है वहिका बांदा रिफर कइ दीन जात है।सी.एम.ओ संतोष कुमार का कहब है कि पूर उत्तर प्रदेश मा डाक्टर के कमी है।डाक्टर के नियुक्ति खातिर शासन कइत से कारवाही कीन जात है। आंगनबाड़ी कुसुमा देवी बताइस कि जबै बच्चा पैदा करावे मा दिक्कत होत है तौ बांदा रिफर कइ दीन जात है काहे से अस्पताल मा मेहरिया डाक्टर नहीं आय। सविता बताइस कि आपन 14 साल के लड़की के दवाई कराने आई हौं पै हेंया मेहरिया डाक्टर नहीं आय तौ नींकतान दवाई नहीं होत आय। सामुदायिक स्वास्थ्य केन्द्र के बाबू मोतीलाल का कहब है कि स्टाफ नर्स से काम होत है जबै मेहरियन का ज्यादा परेशानी होत है तौ बांदा रिफर कइ दीन जात है। चिकित्सा अधिकारी डाक्टर आर.एन.पटेल का कहब है कि तीन डाक्टर है मेहरिया डाक्टर नहीं आय यहै कारन गर्भवती मेहरियन का बहुतै परेशानी होत है।अबै 5 पद खाली पड़े है।
रिपोर्टर- मीरा देवी और शिवदेवी
Published on Jul 10, 2017
