स्कूल मा जाय खातिर रास्ता नाय

जिला अम्बेडकर नगर, ब्लाक कटेहरी, प्राथमिक विद्यालय खोरिया। यहि स्कूल मा जाय खातिर रास्ता नाय बाय। कइयौ दांय रास्ता कै मांग कै गै लकिन षासन प्रषासन ध्यान नाय देतिन।
अवधेष कुमार, ज्योती, अन्नू सब पढ़ै वाले लडि़कै बताइन कियहि स्कूल मा कउनौ तरफ से रास्ता नाय बना बाय। हमरे सब खेत के मेड़े परकी आई थी। बरसात के समय मा खेत मा पानी भरा रहा थै। पानी मा हलिके आई जाई थी। कभौं कभौं सरक के गिर जाईथी। तौ सारा कपड़ा खराब होय जाथै।
हेडमास्टर नरेन्द्र कुमार सिंह बताइन कि यहि स्कूल मा रास्ता कै सबसे बड़ी समस्या बाय। रास्ता न रहै के कारण तीन महीना तक एक्कौ बच्चा पढ़ै नाय अउतिन। सितम्बर, अक्टूबर से बच्चै आवै षुरु कराथिन। रास्ता खातिर कइयौ दांय अप्लीकेषन षिक्षा विभाग मा देहे रहेन। एक अप्लीकेषन 27 अगस्त 2011 कै दुसरा 15 नवम्बर 2011, तीसरा 10 मई 2012 अउर चैथा 25 अप्रैल 2012 मा चार अप्लीकेषन देहे के बादौ रास्ता नाय बनत बाय। सपा कै कैबिनेट अउर दुग्ध विकास मंत्री राममूर्ति वर्मा बताइन कि आचार संहिता चलत बाय जवन कुछ काम होये ओट परे के बाद होये।