बंद परल पैक्स गोदाम
जिला सीतामढ़ी, प्रखण्ड रीगा, पंचायत सिरौली द्वितिय, गांव रामनगरा, वार्ड नम्बर चैदह। उहां सात साल से पैक्स गोदाम बनल हई। एक सदस्य तीन साल से पैक्स अध्यक्ष के चुनाव में जीतई छथिन। लेकिन पंचायत के लेल एक बार भी खाद्य उठाव न होलई। जेई कारण किसान लोग परेशान छथिन।
ग्रामीण विजय राय, तपेश्वर राय, रामजन्म राय लगभग दस लोग कहलथिन कि इहां तीन चुनाव में एक ही पैक्स अध्यक्ष होलई। लेकिन किसान के खाद्य कहां मिलई छई। प्राईवेट से खरीद के खेत में पटबई छी। गोदाम भी खाली परल हई।
पैक्स अध्यक्ष तेज नारायण यादव कहलथिन कि को-आॅपरेटिव बैंक तहत सात साल पहिले पैक्स के भवन बनायल गेलई। जेकर लागत तीन लाख तीस हजार रहलई। पैक्स संबंधी काम मिटिंग कयल जाई छई। अभी तक पैक्स गोदाम में बोर्ड न लगलई अउर अभी भी कृषि पदाधिकारी के पास लाईसेंस परल हई। लाईसेंस न मिले के कारण अभी खाद्य उठाव न हो रहल हई।