सूखा घोषित करै सरकार

जिला चित्रकूट ब्लाक मऊ, गांव कोनिया मजरा जमिरा कालोनी अउर कोटवा माफी गांव। हिंया दुइ महीना से सूखा पड़ गा हवै। या से दसन हजार किसान सूखा घाषित करैं के मांग विधायक चंद्रभान सिह पटेल से करिन। काहे से कि या बरस पानी नहीं बरसा हवै।
हिंया के किसान कहिन कि या बरस पानी नहीं बरसा। यहै से धान, ज्वार, अरहर अउर तिली के खेती नींक न होइ। दूसर बात जनवरी के महीना मा बेमाौसम बारिस होय के कारन चना अउर अरहर के ख्ेाती मा पाला पर गा रहै। या कारन अब हमरे सउहें पूर बरस खाये के समसया आ गे हवै। शिवप्रसाद बारह बिगहा जमीन मा पन्नेलाल पांच बिगहा जमीन मा खेती करत रहैं। उंई या बरस कउनौ खेती नहीं कइ पाइन। जबैकि किसान नींक खेती कइके खुश रहत हवै। सरकार का सूखा घोषित करैं का चाही। यहै से मऊ, मानकिपुर विधायक चंद्रभान सिंह पटेल से 24 अगस्त का मौखिक कहे हन। विधायक चन्द्रभान सिंह पटेल कहिन कि सरकार से सूखा घोषित करवाये के कोशिश कीन जई।