साल लाग गेल पासबुक न मिलल

जिला शिवहर, प्रखण्ड तरियानी, पंचायत बेलहियां, गांव सरवरपुर, वार्ड नम्बर तेरह। इहां के स्वर्गीय महेन्द्र साह के पत्नी मंजू देवी के साल भर पहिले इन्द्राआवास के खाता खुल गेलई। लेकिन अभी तक पासबुक न मिललई।
उ कहलथिन कि इन्द्राआवास के लेल पिछले साल बैसाख में खाता खोलइली इहो बैसाख बीतल जा रहल हई, लेकिन अभी तक हमरा पासबुक न मिलल। एक बेर प्रखण्ड में बोलयले रहे त गेल भी रही रूपईया ला, लेकिन पासबुक न रहे त हमर नाम बोलके छुपा देलक। हमरा दुगो बेटा हय, उहों अपन-अपन बाल बच्चा लेके अलगे रहई जाई छई हमर गारजियन भी न हय। हम फूस के घर में पल्ली तानके गुजर बसर करई छी। घर रहइत त भूखले परल रहती। विकास मित्र नवल राम  अउर मुखिया उपेन्द्र साह कहलथिन कि उनकर बी.पी.एल. संख्या ग्यारह हई, वोट के बाद देल जतई।
प्रखण्ड विकास पदाधिकारी साह राजा हुसैन कहलथिन कि यदि उनका पासबुक न मिलई छई त उ अपन खाता बैंक में अपन खोला लेथिन त ओही में इंद्राआवास के रूपईया अपन चल जतई। यदि कोई व्यक्ति ऐई के लेल रूपईया मांगईत होईथिन त उ ओकर नाम लिखके प्रखण्ड में जमा कर सकई छथिन।