सर्वे में छूटे केऊ लोगन खे नाम

जिला महोबा, ब्लाक जैतपुर, कस्बा कुलपहाड़। एते के केऊ ओरतन खा आरोप हे कि उनके एते 3 महिना पहले नगर पंचायत वालेन ने आसरा आवास अे के लाने सर्वे करो हतो। जिसे बड़े आदमियन के नाम भरे हते ओर गरीब आदमी भटकत हे।
राधारानी, कृष्णपाल, रामकृपाल कल्लान ओर किशन कहत हे कि हम गरीब लोग आसरा आवास के पत्र हे पे हमये नाम नगर पंचायत के सर्वे में नई जोड़े आय। जीसे की हमये मकान कच्चे बने हे तो पक्के मकान बन सके। इसे हम लोगन ने नाम नगर पंचायत के खिलाफ कुलपहाड़ तहसील दिवस मा एस.डी.एम. मुहम्मद रिजवान खा 15 सितंबर 2015 खा दरखास दे के कारवाही कि मांग करी हे।
नगर पंचायत के अधिशाषी अधिकारी राजकुमार उपाध्याय कहत हे कि हमाये इते 532 लोगन खे नाम आये हें। इनमे छटनी होहे सी.एन.डी.एस. के आसरा आवास आये हैं वो लोग छटनी करेगें की कोन लोग आवास के पात्र हें ओर जोन पात्र लोग होहे उन लोगन खा आवास देय जेहे।