दरखास देख फटकार मा डटे एस.डी.एम.
जिला बांदा, ब्लाक नरैनी, गांव अतर्रा ग्रामीण का मजरा गया प्रसाद का पुरवा। हेंया के प्राईमरी अउर जूनियर स्कूल मा पढ़ै वाले बच्चा अउर गांव के मड़ई स्कूल के कइयौ समस्या लइके अतर्रा तहसील दिवस मा 5 अगस्त 2014 का दरखास दिहिन। तहसील दिवस प्रभारी अतर्रा एस.डी.एम. वैभव मिश्रा समस्या सुधारैं का भरोसा दिहिन हैं।
कक्षा सात मा पढ़ै वाले रोशनी, सुमन, रोहित अउर प्रेम प्रकाश बतावत हैं-“हमार स्कूल कइयौ समस्यन से जूझत है। पढ़ै जाय खातिर रास्ता निहाय। न बिजली आय अउर न हैण्डपम्प आय।” गांव का जगनंदन, माताबदल, अशोक अउर ओम प्रकाश बताइन-“पांच साल से स्कूल के पास गड़ही है। गडही मा पानी भरा रहैं से बच्चा रोजै कपड़ा उतार के नाला पार करत हैं।” जूनियर स्कूल का इंचार्ज हेड मास्टर राम प्रसाद, सहायक मास्टर देवी प्रकाश कहिन कि स्कूल मा बहुतै समस्या हैं। कइयौ दरकी नरैनी बी.आर.सी. मा सूचना दीन है। नरैनी बी.आर.सी. के समन्वयक प्रमोद दीक्षित का कहब है कि या समस्या के बारे मा सूचना मिल गे है। या समस्या लिखित मा बी.एस.ए. का भेजब। या समस्या प्रधान भी सुधरा सकत है।