खबर लहरिया चित्रकूट अन्ना जानवर चट करत हवैं फसल

अन्ना जानवर चट करत हवैं फसल

अन्ना जानवर

अन्ना जानवर

जिला चित्रकूट, ब्लाक मऊ, कस्बा लालता रोड। हिंया के मड़ई अन्ना जानवर से परेशान हवैं। काहे से कि खेत मा अरहर अउर जोढ़री के फसल बोई हवै। अन्ना जानवर रोकै खातिर मऊ तहसील मा पन्द्रह दिन पहिले लिखित दरखास दीनगे रहै।
लालता रोड के कल्लू, रमेश अउर राजेश समेत बीस लोगन का कहब हवै कि बाजार से महंगे दाम मा बीज खरीद के अपने खेत मा बोये हन। हमार फसल अन्ना जानवरन के कारन नहीं बचै पावत हवै। मड़ई अपने जानवरन का घर मा बांध के नहीं राखत हवैं। अगर यहिनतान अन्ना जानवर फिरत रहिहैं तौ कसत अरहर, जोढ़री अउर धान के फसल होइ। फसल न होइ तौ हम किसान मड़ई पूर एक बरस का खइबै।
मऊ तहसीलदार कतवारूराम का कहब हवै कि हर गांव के प्रधान का आदेश दीन गा हवै कि उंई अपने गांव मा अन्ना जानवर बांधै खातिर डिग्गी पिटवा दें। या भी मड़इन से बता दें कि अगर जानवर न बधिहैं तौ उनका जुर्माना लाग सकत हवै।