रैली में शामिल महिला
जिला सीतामढ़ी के रीगा अउर बथनाहा दुनु प्रखण्ड में 5 अगस्त के रैली अउर बैठक के आयोजन कयल गेल रहई। जेईमें स्तनपान (दूध पियावे) अउर शिशु मृत्यु दर रोके के लेल जानकारी देल गेलई। इ कार्यक्रम सेव द चिल्ड्रेन के अंतर्गत चल रहल चार्म संस्था के द्वारा कयल गेलई। जे पिछले दु साल से मातृत्व अउर नवजात शिशु के स्वास्थ्य अउर पोषण में सुधार लावे में काम करई छई।
रीगा के चिकित्सा पदाधिकारी डाॅक्टर शिवशंकर प्रसाद कहलथिन कि जन्म के एक घण्टा के अंदर स्तनपान करे वाला शिशु में बिमारी से लड़े के क्षमता बाईस प्रतिशत तक बढ़ जाई छई। ऐई के लेल मां के भी बिमारी होय पर या बच्चा में दस्त के दौरान भी दूध पियावे के चाही।