सब मिलके मानव व्यापार रोकु

कार्यशाला में शामिल अधिकारी

जिला सीतामढ़ी, प्रखण्ड सोनबरसा किसान भवन में 23 अगस्त 20014 के अदिथि संस्था के तहत कार्यशाला के आयोजन कयल गेलई। जईमे बाल श्रम, बंधुआ मजदुर एवं मानव व्यापार के रोक थाम के लेल बतायल गेलई। जेकर अध्यक्षता प्रखण्ड विकास पदाधिकारी कलथिन।
जिला से आयल रंजीत कुमार अउर माधुरी कहलथिन कि अभी सर्वे भेलई जेईमें बाल मजदूर, मानव व्यापार बहुत ही हो रहल हई। ऐई के लेल सब जनप्रतिनिधि अउर अधिकारी के सहयोग करे परतई तब ही ऐई कार्य में सफलता मिलतई। बी.डी.ओ. श्री कांत ठाकुर कहलथिन कि हमरा सबके सरकारी काम से त फूर्सत न होईय लेकिन मानवता के नाते हमरा सबके नेपाल इंडिया में हो रहल मानव व्यापार पर ध्यान देवे के होतई कि कोन दलाल ऐईसन घटिया काम करई छई। अगर उ पकड़ा जतई त ओकरा कड़ी सजा देल जतई। जहां कहीं दुकान पर बाल मजदूर मिले ओकरा चाईल्ड लाईन के हवाले कर देवे के हई।
प्रखण्ड बीस सूत्री अध्यक्ष शम्भुशंकर कहलथिन कि देश के आजाद होयला ऐतना दिन हो गेलई लेकिन अभी भी बंधुआ मजदूर कम मजदूरी पर काम कर रहल हई। हम सब संकल्प लेई छी कि ऐकरा जड़ से मिटावे के हई। जीविका के अनुराधा ,रौशन कहलथिन कि ऐई कार्य में सफलता पावे के लेल महिला के शिक्षित करे के होतई।