सप्लाई नल मा पानी नहीं आवत

जिला चित्रकूट, ब्लाक मानिकपुर, कस्बा मानिकपुर, मुहल्ला महावीर नगर, आर्य नगर अउर इन्द्रा नगर। हिंया सप्लाई नल मा सितम्बर 2014 से पानी नहीं आवत हवै। मड़ई पियै खातिर पानी का परेशान रहत हवै । यहै से 4 अक्टूबर का जल संस्थान मा कहा गा। यहिके बाद तहसील दिवस मा 7 अक्टूबर का डी.एम.नीलम अहलावत का दरखास दीन गे।
महावीर नगर के रज्जो अउर सरोज का कहब हवै कि हिंया एक हैण्डपम्प लाग हवै। वहै से पानी भरित हन।
इंद्रा नगर मुहल्ला के फूला अउर बेला का कहब हवै कि इनतान के गर्मी परत हवै, पै पानी नहीं मिलत हवै। या कारन नहाये    धोवै के समस्या से जूझित हन। का फायदा हवै सप्लाई नल लगवावैं से।
मानिकपुर जल संस्थान के जे.ई. रमेश प्रसाद बतावत हवै कि डेढ़ सौ वाट के मशीन जल गे हवै। यहै से पानी नहीं चढ़ पावत हवै। मशीन का 16 अक्टूबर तक बदला दीन जई।
डी.एम. नीलम अहलावत का कहब हवै कि मशीन के जांच कराई जई। जांच मा सही पावा गा तौ मशीन बदली जई।