खबर लहरिया सबकी बातें सदर अस्पताल में एक्सरे प्लेट न हई

सदर अस्पताल में एक्सरे प्लेट न हई

सदर अस्पताल में मरीज

सदर अस्पताल में मरीज

जिला शिवहर के सदर अस्पताल में अभी एक्सरे प्लेट न हई। इ कोई नया बात न हई अक्सर सरकारी स्वास्थ्य केन्द्र में कहियो दवा त कहियो बेड के कमी रहई छई।
ऐई से जनता के केतना परेशानी होई छई। सरकारी स्वास्थ्य केन्द्र या सदर अस्पताल में मरीज के समुचित स्वास्थ्य सुविधा न मिल रहल हई। अभी 30 जून से ही एक्सरे प्लेट खत्म हई। ऐई के लेल स्वास्थ्य विभाग कुछ भी स्पष्ट न बता रहल हई। ऐई से गरीब जनता के की होतई। एक्सरे प्लेट ही न कभी समुचित दवाई के भी व्यवस्था न रहई छई। कभी के दवाई खत्म हई त कभी दर्द के दवाई। आखिर समय से अउर समुचित व्यवस्था कयला न रहई छई अस्पताल में। गरीब के लेल इहे एगो बड़का आधार हई जहां उ अपन इलाज करवई छथिन। पर ऐकर सुविधा भी एईसन एईसन रहतई कि लोग सब के प्राईवेट(निजी क्लिनिक) से इलाज करावे के होतई? हर अस्पताल के लेल सरकार हर साल कड़ोरों रूपईया के बजट देई छथिन। लेकिन ऐकर सुविधा गरीब जनता तक कयला न पहुंचई छई? ऐकर जबाव देही लेवे से लोग कयला पिछे हटई छथिन? कभी कुछ त कभी कुछ बहाना बनायल जाई छई। अब ऐई के लेल सरकार के कोई ठोस नियम अपनावे के चाही। जईसे लोग के पुरा लाभ मिले।