खबर लहरिया सीतामढ़ी सड़क पर केकरो ध्यान न हई

सड़क पर केकरो ध्यान न हई

Copy of 398px-Village_Road_-_Bidhannagar_7804

गाँव के कच्ची सरक

जिला षिवहर, प्रखण्ड तरियानी, पंचायत विश्वम्भर पुर, गांव विश्वम्भरपुर मदरसा से लेके सुल्तानपुर गांव जाये वाला सड़क खराब हई। एई कारण इहां के लोग सब के जाये आवे में बड़ा दिक्कत हो रहल हई। लेकिन ऐई पर केकरो ध्यान न हई।
इहा के लोग रामकुमारी देवी, मुन्द्रिका महतो राजेश कुमार कहलथिन कि इ सड़क पर त अतेक कादो हई कि गाड़ी त दूर के बात हई। आदमी के पैदल चले में त अतेक दिक्कत होई छई कि पैर पिछलइत रहई छई। सुनिल साह कहलथिन कि दू तीन साल पहिले माटी भरायल रहई तहिया से त आउर दिक्कत होई छई। कादो कादो भेल रहई छई, उहे हेले के लोग सब जाई छई। शोभा देवी, शांति देवी कहलथिन कि केकरो तबियत खराब होतई त गाड़ीयो न आवे के साधन हई। जीते के बड़ी कहई छथिन कि हमरा वोट दिउ हमसब पंचायत के काम करवा देवई। लेकिन जित जाई छई त सब दुःख बिसर जाई छई।
मुखिया अरविंद कुमार कहलथिन कि एई सड़क के टेंडर पास हो गेल हई।माटी भरायल रहई, अब आगे काम कयला न भेलई से हम न बतायब।