चित्रकूट जिला के माध्यमिक विधालय के मास्टर बहुतै दिना से वेतन बढ़ावे के मांग करत हवै|व्यसायिक मास्टर शंकर यादव बताइस कि प्रदेश के आवाहन मा पूर देश के मास्टर नागरिक व्यसायिक जागरूक मिडिया प्रभारी अंजनी कुमार सोनी लखनऊ से आये हवै उनके नेत्रित्व मा धरना प्रदर्शन कीन हन|
अपर जिला अधिकारी सम्बोधित 302 मांग पत्र दइ दीन हन| हमार समस्या हवै कि 1986 मा पूर उत्तर प्रदेश मा चुनिन्दा करीब 10000 हजार माध्यमिक विधालय व्यवासिक शिक्षा मा लागू कीन गा रहै|जेहिमा लगभग 21 सौ मास्टर प्राप्त शिक्षा अतिथि विषय विसज्ञ के रूप मा रोजगार प्राप्त शिक्षा देत हवै|10000 रुपिया मिलत हवै वाहौ समय से नहीं मिलत आय|
अंजनी कुमार सोनी बताइस कि व्यासायिक शिक्षक 1989 मा 50 रुपिया प्रतिमाह कीन गा रहै वेतन फेर 3 हजार रुपिया अब 2008 से 10000 रुपिया मान देय कीन गा हवै अउर अब सुने मा आवा हवै कि 7 वेतन आयोग के रिपोर्ट आयी हवै|वेतन के नाम मा सरकार झूठ आश्वासन देत हवै सरकार कुछौ नहीं करत है|हमार मांग हवै कि हमें परमामेंट कीन जाये|
जिला अधिकारी निरीक्षक जितेन्द्र सिंह बताइन कि इं सरकारी कर्मचारी नहीं होत आय यहिसे इन्हें कउनौ सरकारी सुविधा नहीं दीन जात आय अबै 10000 हजार रुपिया पावत हवै पै मांग पत्र दिहिन हवै तौ जिला अधिकारी मानीय मुख्यमंत्री जी का भेज दीन गा हवै|
बाईलाइन-नाजनी रिजवी
12/09/2017 को प्रकाशित
