शराब पीके मेहरारू अउर पतोह का मारिन

कमला अउर नीतू

जिला फैजाबाद, ब्लाक मया, गांव गौहनिया । 18 सितम्बर 2013 का सबेरे लगभग आठ बजे के टाइम रामबहोर गौड़ अपने मेहरारू कमला देवी अउर पतोह नीतू का मारिन दुइनों जनी कै मूड़़ फूट गै बाय अउर सास कै दुइनौ हाथ मा चोट लाग बाय।
कमला, नीतू बताइन कि खाली बहिरे से आइन अउर कउनौ समान मांगगिन है थोड़ी देर होतै घर मा हलके अंगना मा लाठी से मारै लागिन पतोह नीतू दौडि़न छोड़ावै खातिर उमहूं का मारिन। होत सबेर कउनौ काम नाय करते खाना खाय लइहै शराब पीके पूरे परिवार का मारत गरियावा थिन। हर दुसरे तीसरे दिन करकच मचाये रहा थिन।
गोशाईगंज सी.यच.सी. अस्पताल मा गांव वाले पंहुचाइन हुंआ पट्टी  बांध दिहिन जिला अस्पताल का भर्ती करै का भेज देहे अहै।
सिपाही अनन्त सिंह बताइन कि थाना गोशाईगंज मा एन.सी.आर दर्ज भै बाय जब जिला अस्पताल से रिर्पोट बनके आय जाये तब धारा लागे अउर मुकदमा दर्ज होये ।