वेतन बढ़ावै कै करिन मांग

जिला फैजाबाद, ब्लाक मया, गांव रामापुर। हिंआ आगंनवाड़ी कार्यकत्री आपन वेतन बढ़ावै की ताईं उठाइन आवाज जवन पन्द्रह साल से काम करति अहै। जेकै वेतन बढ़ै के बावजूद नाय मिलत पूरा वेतन।
आंगनबाड़ी मंचुल यादव बताइन कि सुविधा का लागू भये पैंतीस साल होइगा अउर अबही जल्दी मा बारह सौ से तीन हजार भै लकिन हमरे सबकै नाय बढ़ा। केतना मेहनत कै काम बाय गांव-गांव केतना बच्चै, गर्भवती मेहरारू हईन सबका देखै का परा थै। पोलियो के दिन ए.एन.एम. अउर आंगनबाड़ी का पूरा दिन रहै का परा थै तब जायके एक हजार रुपया बना थै। हमरे सब वेतन बढ़ावै की ताईं विधानसभा पै धरना दिये रहेन लकिन कउनौ सुनवाई नाय भै। हमरे सब चाही थी कि राज्य कर्मचारी घोषित कै दियै जउने रिटायर हुवै पै पेंशन तौ मिल सकै।