ओपरेशन में भीर
जिला सीतामढ़ी, प्रखण्ड सोनबरसा अउर बथनाहा प्राथमिक स्वास्थ्य केन्द्र पर विशेष पखबारा मनायल जा रहल हई। ई विशेष पखवारा 11 जुलाई 2013 से 31 जुलाई तक मनायल जतई। यई में महिला बंध्याकरण अउर पुरूष नसबन्दी हो रहल हई। जे ग्यारह बजे सुबह से नौ बजे शाम तक मनायल जतई। जेइमें रोज काफी संख्या में महिला बंध्याकारण हो रहल हई।
सोनबरसा में डाक्टर निर्मल सिंह द्वारा सफल इलाज हो रहल हई। आशा मैनेजर सर्वानन्द पाण्डे कहलथिन कि इहां भवन के अभाव हई, तइयो कार्यक्रम के सफल बनावे में सब लोग लागल छथिन। हालाकि पुरुष लोग के मन में धरना रहई छई कि अगर पुरुष नस्बंदी करइथिन त उ कमजोर हो जइथिन लेकिन इ सच न हई। बथनाहा के आशा प्रभारी अंजू कुमारी अउर नर्स गीता कुमारी कहलथिन कि बंध्याकरण से परिवार सुखी होई छई। आशा कार्यकर्ता सब अपन क्षेत्र से ओपरेशन कराबे वाला लोग के लबई छथिन। पहला दिन ही सीतामढ़ी के सिविल सर्जन डॉक्टर सुनिल सिंह आके बतीस महिला के ओपरेशन कलथिन।