राजपति देवी
जिला फैजाबाद, ब्लाक पूराबाजार। ब्लाक के सहायक खण्ड विकास अधिकारी राजपति देवी बहुतै दिन से जिला सुल्तानपुर मा काम करत रहिन अब 7 मई 2012 से पूरा ब्लाक पै न्यूक्त हईन। खबर लहरिया पत्रकार विकास के मुद्दा पै करिन बात चीत।
सवाल- एक महिला हुवै के नाते पूरे एक साल से आपकै कवन अनुभव बाय?
जवाब- हमार अनुभव इहै बाय कि हमैं काम करै मा बहुत बढि़या लागा थै। अउर हम इहै चाही थी कि हम आगे बढ़ी। गरीब मनई कै सेवा करी। हमार सपना पूरा होइगा।
सवाल- आप हिंआ से पहिले कहूं अउर काम करत रहीं कि पहली बार हिंआ न्यूक्ति भै बाय?
जवाब- हम एम.ए. तक पढ़ाई करे हई समाज-शास्त्र विषय से अउर हम पहिले सुल्तान पुर मा सहायक खण्ड विकास अधिकारी के पद पै काम करत रहेन। अउर अब हिंआ भी सहायक खण्ड विकास अधिकारी के पद पै हई।
सवाल- महिला प्रधान तौ होय जा थिन लकिन ज्यादा-तर काम उनकै आदमी करा थे उनके बारे मा आप काव कहै चाहाथिन?
जवाब- गांव मा यस अक्सर हुआ थै लकिन यक समूह बैठक हुआ थै जेहमा बहुत मेहरारु आवाथिन। हम दुर्गा ग्रामसभा मा गै रहेन। एक महिला प्रधान नाय आय रहिन। उनकै आदमी आय रहे। तब हम महिला प्रधान का बुलायन अउर कहेन कि हम तोहार काम देखब तौ तुहै जानकारी हुवै का चाही। सवाल- गांव-गांव मा सफाईकर्मी न्यूक्त रहाथिन तबौ सफाई नाय हुअत। यकरी ताई आपकै काव विचार बाय?
जवाब- गांव मा सफाई कै जांच करे रहेन। अउर सफाई करवाये रहेन। आगे भी कोशिश रहे कि सफाई हुअय। सवाल- बहुत गांव मा नाली नाय बनीं बाय। बरसात मा पानी सबके घर मा भरत बाय। तौ आगे आप जनता के ताई काव करिहै?
जवाब-ठीक बाय जल्दी पता कइके नाली बनुवाय दियब।