विकलांग चांदनी
जिला फैजाबाद, ब्लाक मया। मयाबाजार ब्लाक के सामने रहै वाला बीस साल कै चांदनी विकलांग अउर गूंग दुइनौ हुवय के बावजूद अबहीं ले न विकलांग साइकिल न पेंषन। कुछ नाय मिला।
चांदनी कै पिता सगीर खान बताइन कि हम कइव बार ब्लाक प्रमुख अउर पुराने बी.डी.ओ. से फारम भरै की ताई कहे रहेन। जबकि डाक्टरी जांच भै रहा लकिन अबहीं बनके नाय आय। चांदनी साइकिल चलावै खातिर बहुतै खुष हुआथे वकरे पीछे-पीछे चल पराथिन वै अपने अब्बा से साइकिल लावै खातिर जिद कराथिन। इहै नाय वै हमेषा कुछ न कुछ काम कराथिन। टायर पंचर अउर हवा बैठे- बैठे भराथिन। घर कै हालत यतना ठीक नाय बाय कि साइकिल लै सकै।
प्रधान करुणेष सिंह बताइन हम एक हफ्ता भै विधायक से बात किहेन। 20 दिसम्बर का सुबह 10 बजे अयोध्या मूकबगीर विद्यालय मा मेडिकल जांच होये फिर यकरी बाद मा सब विकलांग का साइकिल मिले।