वार्डे-वार्डे लागल बल्ब

जिला सीतामढ़ी, प्रखण्ड डुमरा। नगर परिषद में सब वार्ड में रोशनी के व्यवस्था कयल जा रहल हई। इ कार्य 20 सितम्बर 2014 से ही शुरू भेगेलई। ओई में कुल ग्यारह वार्ड परई छई।
गांव के लोग सुबोध कुमार, रानी कुमारी, सोनू कुमार लगभग दस पंद्रह लोग कहलथिन कि बड़ा वाला बल्ब, पोल पर लगल रहई छई त रास्ता पर आवे में रात बेरात दिक्कत न होई छई। बल्ब न बरई छई त अंधेरा में दिक्क्त हो जाई छई। कयगो वार्ड में बल्ब फ्यूज हो गेल हई, कयगो फूट भी गेल हई। वार्ड आयुक्त स नगर अध्यक्ष देवेन्द्र पासवान कहलथिन कि बराबर नगर पंचायत में त काम चलते रहई छई।
प्रखण्ड विकास पदाधिकारी शन्नी सौरभ कहलथिन कि दुर्गा पूजा के अवसर पर नगर पंचायत के हर वार्ड में पंद्रह बल्ब लगायल जतई। एकर खर्चा नगर परिषद से मिलतई। लेकिन तत्काल प्रखण्ड से ही व्यवस्था कयल जा रहल हई।