वजीफा खातिर दिहिन ज्ञापन

जिला बांदा, ब्लाक नरैनी, राजकीय आयुवैर्दिक कालेज अतर्रा। हेंया के लगभग 20 छात्र 12 मई 2015 का एस. डी. एम. का अउर समाज कल्याण मा ज्ञापन दइक आपन दुई से साल से रूका वजीफा के मांग करिन हंै।
कालेज के छात्र वसीम अहमद, उमाकांत अउर अजीत बताइन कि हमार 2013 से 2014 अउर 2014 से 2015 तक दुई साल का वजीफा सरकार नहीं देत है। हम गरीब घर के छात्र हन। या साल खेती मा भी कुछौ पैदावारी नहीं भे है तौ आगे के पढ़ाई कसत होई पाई ? वजीफा मिल जात तौ कुछौ सहारा होई जात।
समाज कल्याण के वरिष्ट सहायक सुनील कुमार शुक्ला कहिन कि हमरे तरफ से कउनौ गल्ती निहाय। छात्र आपन वजीफा का फारम आनलाइन भरिन हैं कदनौ गल्ती रहीगें होई उनका रूपिया झासी मण्डल से उनके खाता मा सीधे आ जाय का चाही।