लड़की के अपहरण कै आरोप

जिला अम्बेडकर नगर, ब्लाक भीटी, गांव डाड़ीडीहा। हिंआ 24 मई का एक अट्ठारह साल के लड़की के अपहरण कै आरोप बाय। लड़की कै पिता थाना मा रिपोर्ट दर्ज कराइन।
परिवार वालेन कै कहब बाय कि 24 मई 2016 का रात 9 बजे शौच के ताई खेत मा गै रहिन। जब काफी समय बीतगै वापस नाय आइन तौ हेरै शुरु कीनगै। खेत जंगल बगीचा हर जगह फोन से रिस्तेदारी मा भी पता कीनगै लकिन कहूं पता नाय चला। तब महरुआ थाना मा संदिग्ध हालत मा लापता हुवय कै रिपोर्ट दर्ज करायन।
महरुआ थाना कै प्रभारी संदीप सिंह बताइन कि तहरीर मिली बाय। अपहरण कै मुकदमा लिखागै बाय। लड़की कै मोबाइल सर्विलांस पै लगावागै बाय। लड़की अउर अपहरण करै वाले मनई के तलासी करै के ताई जगह जगह पुलिस टीम लगाईगै बाय। जल्दी ही लड़की का बरामद कीन जाये।