ललितपुर के महरौनी ब्लॉक के छायन गाँव में स्कूल की टूटी बाउंड्री

जिल ललितपुर, गांव छायन इते ज्यादा पानी बरसबे के मारे सरकारी स्कूल कि बाउन्ड्री गिर परी जी से बच्चन को निकरबे में हो रई परेशानी।
हरगोविन्द कुमार प्रधानाध्यापक ने बताई के 19 तारीख को लगातार दीन भर पानी बरसो कस के सो बई पानी में गिर परी बाउन्ड्री अब बनवा हें। और हम ओरन ने सब को जानकारी दे दई अखबार में भी निकर गयी और लिखित भी दे दई। प्रधान ने भी देख गये अब जब रुपईया शिक्षा समिति के खाते में आहे। जो हमाओ और प्रधान को शामिल खाता हे बाई में आहे सोई फिर करबा हे।
सोनम ने बताई के हम ओरे ईटन पे से निकरत सो डर लगत के गिर न जाबे। राहुल ने बताई के जा बाउन्ड्री को गिरे कम से कम दस दिना हो गये।
मुकेश रावत प्रधान ने बताई के हमने तो दो बार लिखित दे दई अब उन नों जाओ सो बे कत के बनबा देहे। जब सरकार से रुपईया आहे तबही तो हम काम करबा हे काम लगबाहे बाउन्ड्री को अब कोशिश तो जोई हे के जल्दी से जल्दी बन जाबे लेकिन अब जब रुपईया आहे तबई बन पे बाउन्ड्री।