जिला अस्पताल में कमला
जिला महोबा, ब्लाक पनवाड़ी, कस्बा पनवाड़ी, रहुनिया मोहल्ला। एते की लगभग पैंतालिस साल की ओरत कमला मिर्जापुर डिपो रोडवेज बस से गिर के घायल हो गई हे। जीखे इलाज खे लाने पनवाड़ी थाने की पुलिस ने महोबा जिला अस्पताल भेजो हे। ऊखी हालत ज्यादा खराब होय से झांसी रिफर कर दओ हे।
कमला के परिवार को वर्तमान पनवाड़ी प्रधान आशाराम ने बताओ कि कमला राठ से वापस पनवाड़ी आउत हती। जभे बस स्टैण्ड में रूकी तो ऊ उतरन लगी। कमला बस से उतर नई पाई, ओर ड्राइवर ने बस चला दई। जीसे कमला गिर के घायल हो गई हे। बस स्टैण्ड के आदमियन ने थाने में खबर दई हती। पुलिस ऊखे इलाज खा जिला अस्पताल भेज दओ हे। जभे हमखा सूचना मिली तो हम जिला अस्पताल पांेहचे। ऊखे सिर में बोहतई चोटें आई हंे। हालत ज्यादा खराब होय से ऊखे झांसी रिफर कर दओ हे।
पनवाड़ी थाने के एस.ओ. अशोक कुमार सिंह ने बताओ कि ऊ बस मिर्जापुर डिपो की हे। चालक अभे अज्ञात हे। धारा 279(लापरवाही से दुर्घटना) 337, 338, के तहत मुकदमा लिख गओ हे। ऊ बस ओर ड्राइवर खा पकरें की कोशिश करी जात हे।