जिला अम्बेडकरनगर, ब्लाक कटेहरी, निनामपुर रोड। हिंआ रेलवे क्रासिंग न बनै से मनई आपन-जान जोखिम मा डारिके आवाजाही कराथिन। गंाव वाले क्रासिंग बनै कै मंाग करिन।
मनीषा, अनीता, सुनील कुमार बताइन कि यहि रास्ता से दर्जनौ गंाव के मनई कै आवाजाही रहाथै। निनामपुर, प्रतापपुर, ढ़ेलमऊआ, पिलखावां, जरुर्खा, जलालपुर, चांदपुर जइसे कइयौ गंाव कै हजारन मनई कै चैबिसो घण्टा आवाजाही रहाथै। रेलवे लाइन के उत्तर दिशा मा रेलवे विभाग जे.सी.बी. से खोदवाई कइके खांई बनुवाय देहे अहैं। रेलवे लाइन के नीचे बना रास्ता पै पानी भरि जाथै। तौ मनई कइसे आवै जाए। यकै चिन्ता रेलवे विभाग का नाय बाय।
रेलवे लाइन पार कइके आवै जाए मा बहुत परेशानी हुआथै। साइकिल पैदल चार चक्का वाहन, स्कूली गाड़ी सब रेलवे लाइन पार कइके आवत जाथिन। रेलवे लाइन न बनै से कभौं-कभौं दुर्घटना भी होय जाथै। लकिन मजबूरी मा मनई आपन जान हथेली पै रखके आवत जाथिन।
रेलवे विभाग कै संभागीय अभियंता दिनेश कुमार बताइन कि अकबरपुर से गोशाईगंज के बीच मा यहि रूट पै सिर्फ दुल्लापुर रेलवे क्रासिंग बनै कै प्रस्ताव बाय। अउर कउनौ स्थान पै रेलवे क्रासिंग बनै कै प्रस्ताव नाय बाय।