खबर लहरिया ताजा खबरें बैंक नहीं भांजत गेहूं बेच का चेक

बैंक नहीं भांजत गेहूं बेच का चेक

सौंता श्योढा किसान राजाभइया

सौंता श्योढा किसान राजाभइया

जिला बांदा, ब्लाक महुआ, कस्बा खुरहण्ड, गल्ला मण्डी। हेंया गेहूं बेचैं वाले तीस किसानन के लगभग पचास लाख रुपिया के चेक डिस्ट्रिक कोआपरेटिव बैंक षाखा अतर्रा नहीं भांजत आय। काहे से कृषि उत्पादन मण्डी बैंक का रुपिया नहीं दिहिस आय।

1 अप्रैल से 15 जून तक एक हजार चार सौ पचास रुपिया प्रति कुंतल के दर से गेहूं खरीद कीन गे। आपन कारवाही पूरी राखैं खातिर कृषि उत्पादन मण्डी अतर्रा गेहूं खरीदैं के बाद सबै किसाानन का चेक तौ पकड़ा दिहिस, पै चेक भंजत निहाय।

सौंता ष्योढ़ा गांव के राजा भइया बताइन कि उंई 15 मई का साढ़े अट्ठारह कुंतल गेहूं बेचिन। वहै दिन मोरे औरत राजरानी के नाम छब्बीस हजार आठ सौ छब्बीस का चेक डिस्ट्रिक कोआपरेटिव बैंक षाखा अतर्रा का दीन गा। मैं 15 मई का ही बैंक मा लगा दीनेंव। 22 जून तक चेक नहीं भंजा रहा आय। महुआ ब्लाक के गांव तिंदुही गांव के सुरेष कुमार कहिन कि उंई भी मई के महीना मा गेहूं बेचिन, पैआज तक चेक नहीं भ्ंाजा आय।

डिस्ट्रिक कोआपरेटिव बैंक षाखा अतर्रा के बैंक मैंनेजर का कहब है कि कृषि उत्पादन मण्डी बैंक का रुपिया नहीं दिहिस आय तौ चेक कहां से भंज जाय।

कृषि उत्पादन मण्डी षाखा अतर्रा के सचिव राघुवेन्द्र कुमार चर्तुवेदी का कहब है कि उनका नहीं पता आय कि किसानन के चेक नहीं भंजत आय। नरैनी तहसील मा 7 जुलाई का डी.एम. के अध्यक्षता मा तहसील दिवस ळे किसान आवैं अउर दरखास दें। उनकर तुरतै दरे मा ही समस्या निपटा दीन जई।