राजकुमारी कहिस-मोर रुपिया नहीं देत

जिला चित्रकूट, ब्लाक मऊ, गांव तुर्गवां, मजरा, कुरिहाडीह। हिंया के राजकुमारी का आरोप हवै कि गंाव का भागवतपाल एक साल पहिले छह हजार रुपिया उधार लिहिस रहै। अब मांगत हौं तौ वा लड़ै का तैयार होइ जात हवै। यहिके रपट 14 दिसंबर का बरगढ़ थाना मा लिखाये हौं ,पै अबै तक भागवत पाल रुपिया नहीं दिहिस हवै।
मजरा के राजकुमारी का कहब हवै कि अब मोहिका या समय रुपिया के जरुरत हवै। काहे से कि मोर लड़की बीमार होइगे हवै। वहिका इलाज करावैं का हवै। मैं सोचत हौं कि अगर भागवतपाल रुपिया दइ दे तौ लड़की का इलाज करा लेंव। मैं वहिसे रुपिया दें का कहेंव तौ वा दें का नहीं कहत आय। ऊपर से मारपीट करै अउर लड़ाई करत हवै। वहिके खिलाफ बरगढ़ थाना मा रपट भी लिखा दीने हौं तबहूं रुपिया नहीं दिहिस हवै।
भगवतपाल का कहब हवै कि मैं चार हजार रुपिया राजकुमारी से लीने रहौं। वहिका चार हजार रुपिया दइ दीने हौं। दुइ हजार रुपिया बैक मा जमा हवै।
बरगढ़ थाना के मुंशी हनुमान प्रसाद का कहब हवै कि रपट लिखी हवै। या मामला के जांच चलत हवै। जांच होय के बाद आगे कारवाही कीन जई।