सड़क पर भरल किचर
जिला सीतामढ़ी, प्रखण्ड सोनबरसा, गांव भलुआहा के मेन निकासी सड़क हई। जे लगभग सौ मीटर तक बहुत ही खराब स्थिति में हई। ओई पर घुटना भर किचर हेल के लोग आवा-गमन करई छथिन। उ सड़क सोनबरसा अउर मेजरगंज से जुड़ल हई।
उहां के त्रिलोक कुमार, जयनारायण राय, जितेन्द्र कुमार समेत दसों पंद्रह लोग कहलथिन कि इ सड़क पर केकरो ध्यान न हई। जब हम सब सड़क पर चलई छी त आत्मा रो परईय। ऐतना किचर हई कि यातायात बाधित हो रहल हई। उ गांव के मुख्य सड़क हई दोसर सड़को न हई कि ओई होके लोग जईथिन-अईथिन। सब तर के सड़क बनवो कलई टूटीयो गेलई फेर मरम्मति भी करायल गेलई लेकिन इ सड़क पर घुटना भर पानी रहिये गेलई। केतना बेर महिला सब या बच्चा सब ऐई किचर में गिर जाई छई। सुनई छियई कि इ सड़क पास हो गेल हई लेकिन बनई छई कहां?
उहां के मुखिया जयनारायण पासवान कहलथिन कि इ सड़क अगर हमरा बनावे के रहतियई त हम कहिया बनवा देले रहतियई। लेकिन इ सड़क विद्यायक फण्ड से पास हई अभी काम शुरू न हई विद्यायक ही बनबईथिन।