सड़क बहुतै खराब
जिला फैजाबाद, ब्लाक पूराबाजार, देवकाली मेन रोड। हिंआ लगभग दुई साल से सड़क खराब बाय लकिन अबहीं तक सड़क नाय बनीं बाय। जेसे आवे जाय वाले मनईन का दिक्कत हुआ थै।
राकेश, जियाप्रसाद बताइन कि मेन रोड देवकाली से फतेहगंज जाय वाली सड़क बहुतै खराब बाय। रोज केहू ना केहू गिरा करा थै आटो चलावै वाले पिन्टू, रिंकू बताइन कि हिंआ आटो चलावै मा बहुतै दिक्कत हुआ थै लगभग ढ़ेड किलोमीटर सड़क खराब बाय हमरे सब रोज यहीं कई आई जाई थी तौ ई समस्या नजर आवा थै। यही से जाम भी लाग जा थै। लाखों मनई ई सड़क से आवत जाथिन बहुतै बड़ा-बड़ा गड्हा बाय यही से धीरे-धीरे चलावै का परा थै अगर ई सड़क बन जाय तौ ठीक होय जाय। पप्पू, सुनील बताइन कि दुई तीन दिन भै सिर्फ गिट्टी डाल दिहे बाटे अउर फिर काम रूक गै बाय।
पी.डब्लू.डी. कै इंजीनियर एस.डी. पाण्डेय बताइन कि अबहीं सड़क पै पानी भरा बाय जइसे पूरे सड़क कै पानी सूख जाय वइसे सड़क कै मरम्मत करावा जाये। फिर वकरे बाद ई सड़क बन जाय मनईन का फिर कउनौ दिक्कत ना होये।
