एके जगह पढ़ें ला मजबूर हई बच्चा
जिला सीतामढ़ी, प्रखण्ड रीगा, पंचायत भवदेपुर वार्ड नम्बर दस। उहां अंगनबाड़ी केन्द्र वार्ड नम्बर नौ में हई। लेकिन दूरी के कारण वार्ड नम्बर दस के बच्चा ओई केन्द्र पर न जाई छथिन।
उहां के अनीता देवी, पुनम देवी, पप्पू राय, उर्मिला देवी लगभग पन्द्रह लोग कहलथिन कि इहां आंगनबाड़ी केन्द्र वार्ड नम्बर नौ में परइ छई। जई से ओनही के बच्चा सबके सुविधा मिलई छई। हमर सबके बच्चा के लेल कोई लाभ न मिलई छई। कोनो बच्चा दुरी पड़े न जाय चाहई छथिन। विभागीय लोग सब लिख के लेगेल छथिन, लेकिन कहां कोई केन्द्र खुलई छई?
मुखिया अनीता देवी के पति षिवजी भंडारी कहलथिन कि ओई वार्ड में मीनी आंगनबाड़ी केन्द्र खुले के लेल सर्वे भेल हईं, लेकिन अभी कोई सूचना न आयल हई। जब सूचना मिल जतई तब उहां केन्द्र खोलल जतईं। समेकित बाल विकास परियोजना पदाधिकारी अंजू कुमारी कहलथिन कि अभी खाली जगह के पूर्ति कैल जतई। ओकरा बाद मीनी आंगनबड़ी केन्द्र खोलल जतई। लेकिन जिला से चिट्ठी अतई तब। हम हर वार्ड के लिस्ट तैयार कर के जिला में जमा कयले छी।