मार के घर से निकारो

जिला महोबा, ब्लाक जैतपुर, कस्बा बेलाताल, जीमीदार मोहल्ला। एते कि राजकुमारी की शादी 2 जुलाई्र 2010 खे कबरई ब्लाक के बिलहरी गांव में सुखदेव के साथे भई हती। ऊखो आदमी सुखदेव गैस में राजकुमारी से खाना न बने खे कारन घर से मार के दो साल पेहले निकार दओ हे। जीसे ऊ आपन खाना खर्चा के मुकदमा लड़त हे।
बीस साल की राजकुमारी ने बताओ कि मोसे गैस में खाना नई बनत हतो। एईसे ससुराल वाले मोये साथे मारपीट करत हते। मोए पांच महीना को बच्चा पेट में हतो। तभई मेने अपने बाप खे फोन करके बुलाओ ओर अपने मायके चली गई। तभे से मोए कोनऊ लिवाउन नई आओ आय। दो साल से में अपने मायके में रहत हों, मोए एक लड़का भी हे। एई से में डेढ़ साल से खाना खर्चा को मुकदमा लगाए हों। पेहले कुलपहाड़ में मुकदमा चलत रहो हे । अब चार महीना से महोबा में चलत हे। मोओ आदमी महोबा से ऊपर-ऊपर लिवा जाय खा कहत हे, तो मेने कही कि में न जाहां। पेहले मोए स्टाम पेपर में लिख के दे, ओर घर आके लिवा जा। राजकुमारी के आदमी सुखदेव ने बताओ कि हमाओ आपसी झगड़ा हे। में लेवायें खां तैयार हों।