मारपीट के कारन खा लओ जहर

महोबा शहर, बजरिया मोहल्ला। एते के दुलीचन्द्र बसोर ने पुलिस के मारपीट ओर गाली गलौज के कारन 29 जनवरी खा जहर खाके जान दे दई हे। जीसे बच्चन को रो-रो के हाल बेहाल हे।
दुलीचन्द्र की ओरत ममता कहत हे की आदमी रेलवे विभाग में सफाई कर्मी के पद में काम करत हतो। जीसे परिवार को पेट चलाउत हतो। एक हफता पेहले कोनऊ कारन से रेलवे विभाग के अधिकारियन ने भगा दओे हतो। दुलीचन्द्र अपने द्वारे के सामने माटी खोदत हतो। तभई बजरिया चैकी को सिपाही महेश आओ ओर चैकी पकर ले गओ। चैकी में सिपाही महेश ने दुलीचन्द्र के साथे मारपीट ओर जाती सूचक गाली गलौज करी हती। एक तो ऊ रेलवे विभाग के काम से निकारें के कारन परेशान हतो। दूसर गाली गलौज ओर मारपीट के कारन 29 जनवरी खा जहर खा लओ, परिवार वाले इलाज के लाने जिला अस्पातल लाये। हालत खराब होंय के कारन डाक्टरन ने झांसी रेफर कर दओ, जीसे रास्तें में मोत हो गई। दुलीचन्द्र के जेब में एक पत्र भी निकरो हतो। जीमें लिखो हतो की पुलिस के मारपीट ओर गाली गलौज के कारन जहर खा लओ हे। परिवार वलेन ने सिपाही के ऊपर कारवाही करें के लाने सुसाइट पत्र एस.पी. हरिश चन्दर खा दओ हतो।
महोबा एस.पी. हरिश चन्दर कहत हे की सिपाही खा अभे लाइन हाजिर कर दओ हे। जांच चलत हे जांच के बाद कारवाही करी जेहे।