जिला चित्रकूट, ब्लाक मानिकपुर , गांव चर पुरवा बसापन। हिंया के चिंता देवी अउर सुंदी का आरोप हवै कि 24 जून का रामनरेश मारपीट करिस हवै। यहिके रपट रैपुरा थाना मा लिखाये हन, पै अबै तक पुलिस कउनौ कारवाही नहीं करिस हवै।
चिंता देवी अउर सुंदी का कहब हवै कि हमार गाय पड़ोस मा रहै वाले रामनरेश के दुआरे चली गे रहै तौ वा कहत रहै कि गाय का इनतान छोड़ देत हौ। येत्ता कहिके वा गाली दें लाग अउर डंडा लइके हमका मारैं लाग। यहिसे अंदरूनी चोटैं आई हवै। यहिके रपट लिखावैं के बादौ नियाव का तरसित हन।
रामनरेश कहिस कि मै कउनौ का नहीं मारे हांै। उंई झूठै फंसावै चाहत हवैं।
रैपुरा थाना के मुंशी फूलचन्द्र का कहब हवै कि जांच कइके रामनरेश के खिलाफ धारा लगाई जई।