मवेशी के होइ छई टिकाकरण

बीमार मवेशी

जिला सितामढ़ी, प्रखण्ड बथनाहा में 31 मार्च 2015 से मवेशी के आभा बिमारी के बचाव के लेल टीकाकरण चल रहल हई। इ टीकाकरण अभी पुरा महिना तक चलतई ।
गांव रामपुर के शैल देवी कहलथिन कि हमरा भैंसी के छह दिन से मुंह फोरा हो गेल हई। जे कारण उ घास भुसा भी न खइ छई। मलकना के किषोरी राय कहलथिन कि हमरा गाय के पैर के खुर में घाव हो गेल हय जेइ कारण पैर से ठीक से न चल पवइय। बथनाहा से देखा के दवा देली ह त अब कुछ ठीक हय।
बथनाहा पशुअस्पताल के डाॅक्टर संजय कुमार सिन्हा कहलथिन कि अभी आभा बिमारी के बचाव के लेल सब गांव पंचायत में टीकाकरण चल रहल हई। ताकि इ बिमारी अउर मवेशी में न होय। लेकिन एइ बिमारी से अभी लगभग पच्चीस मवेशी ग्रस्त छथिन। अभी इनकर सब के इलाज चल रहल हई। जे पन्द्रह से बीस दिन में ठीक हो जतई। अभी लगभग पांच हजार मवेशी के टिकाकरण हो गेल हई।