कार्यक्रम देखबईत लोग
सीतामढ़ी जिला में तेतालीसवां स्थापना दिवस के आयोजन डुमरा हवाई फिल्ड में कयल गेलई। जेईमें सांस्कृतिक कार्यक्रम से लेके योजना के जानकारी अउर स्वच्छ एवं स्वस्थ्य सीतामढ़ी बनावे के संकल्प लेल गेलई। इ रंगारंग कार्यक्रम दु दिवसीय 11 दिसम्बर से 12 दिसम्बर 2014 तक कयल गेलई।
एई खुशी के अवसर पर जिला से सब पदाधिकारी, प्रशासन, मंत्री, नेता मिलके कार्यक्रम के सफल बनलथिन। डी.एम. डाॅक्टर प्रतिमा एस.के.वर्मा कहलथिन कि जिला स्थापना दिवस प्रशासनिक उपलब्धि के रखे अउर सम्मानित करे के अवसर मिलई छई। ऐई साल दुर्गा पुजा, बकरीद, मुहर्रम जईसन पर्व शांति पूर्वक बितलई। ऐईमें आम लोग अउर प्रशासन के भरपुर सहयोग रहलई। दोसर जिला के अपेक्षा सीतामढ़ी के विधी व्यवस्था देवे परई छई। कारण कि इ बोर्डर साईड अउर नक्सली क्षेत्र हई। शिक्षा के लेल इ जिला पथम स्थान पर हई। ऐई कार्यक्रम में जे अच्छा कार्य करई छथिन उनका पुरस्कृत कयल जाई छई। जिला में जेतना योजना चल रहल हई ओकर अट्ठाईस स्टाॅल लगायल गेलई।
डी.डी.सी. रामाशंकर सिंह कहलथिन कि जिला के सर्वागीण विकास के लेल सब के सहयोग जरूरी हई। इ स्थापना दिवस सिर्फ जिला में ही न बल्की सब प्रखण्ड में भी लगायल जा रहल हई।