मनसवा के खिलाफ लिखाइस रपट

जिला चित्रकूट, ब्लाक पहाड़ी,गांव ममसी गड़ौली। हिंया के कुसमा का आरोप हवै  कि मनसवा भारत मुकुंद मारपीट करत रहै अउर खाना खर्चा नहीं देत रहै। यहिसे 24 नवंबर का रैपुरा थाना मा वहिके खिलाफ रपट लिखाये हौं।
कुसमा कहिस कि मोर षादी पांच साल पहिले रामनगर ब्लाक के गांव लोधौरा बरेठी के रहैं वाले भारत मुकुन्द के साथै भे रहै। मनसवा मारत पीटत रहै। चार चार दिन तक खाये का नहीं देत रहै। यहिसे अपने मइके मा महतारी बाप साथै रहत हौं। मोरे एक लड़की हवै। एक महीना से वहिके तबियत खराब हवै। मनसवा से लड़की के दवाई करावं खातिर रुपिया मांगत हौं तौ वा नहीं देत हवै। यहिसे परेषान होइके रैपुरा थाना मा रपट लिखा दीने हौं।
मनसवा भारत मुकुन्द का कहब हवै कि वा अपने से मइके चली गे हवै।  जेत्ता कमात हौं तौ वोत्ता घर मा वहिका खर्चा खातिर रुपिया दइ देत रहौं।
रैपुरा थाना के दरोगा साजिद अली खान का कहब हवै कि उनका बोला के समझौता करा दीन जई।