मनसवा के खिलाफ अब मुकदमा लगइहौं

जिला चित्रकूट, ब्लाक रामनगर, कस्बा रामनगर। हिंया के रहैं वाली प्रीति देवी का आरोप हवै कि मनसवा हकीम सिंह मारपीट करत रहै। यहिसे मई 2015 से अपने मइके मा रहत हौ। मनसवा के खिलाफ रैपुरा थाना मा 16 अप्रैल का रपट लिखाये रहौं, पै कउनौ कारवाही नहीं भे आय।
प्रीति देवी का कहब हवै कि मोर शादी मानिकपुर ब्लाक के अगरहंड़ा गांव मा रहैं वाले हकीम सिंह साथै दस साल पहिले भे रहै। मनसवा शुरु से ही मारपीट करत रहै। खाना खर्चा खातिर एकौ रुपिया नहीं देत रहै। यहिसे परेशान रहत रहांै। या कारन से अपने मइके मा रहत हौं। मनसवा के खिलाफ थाना मा रपट लिखावैं के बादौ कउनौ कारवाही नहीं भे आय। यहिसे अब वहिके खिलाफ मुकदमा लिखइहौं। मनसवा हकीम सिंह का कहब हवै कि प्रीति देवी अपने से मइके ली गे हवै। मैं लेवावैं जात हौं तौ वा लहीं आवत हवै।
रैपुरा थाना के बड़े दरोगा साजिद अली खान का कहब हवै कि हिंया या नाम के दरखास कउनौ नहीं लिखाइस हवै। अगर प्रीति देवी दरखास लिखावै तो कारवही कीन जई।