मनरेगा के तहत कुआं कै हुवत सफाई

जिला अम्बेडकर नगर, ब्लाक कटेहरी, गांव प्रतापपुर चमुर्खा। हिंआ गांव कै देशी नल जवाब दै दिहे अहैं। बड़ी मुश्किल से एक दुई बाल्टी पानी निकराथै। यसे राहत पावै के ताई गांव वाले मनरेगा के तहत कुआं कै खोदाई करत अहैं।
गांव के मोहन कै कहब बाय कि काफी देर चलावै के बाद एक बाल्टी पानी निकराथै। वतने मा कवन मेर जानवर का पियावै अउर कवन मेर खुद पियैं। यही से गांव कै सब मनई विचार कइके कुआं के सफाई मा लागि गा हई। मनीराम, संतोष सुनील सिंह अउर अजय इनके सबकै कहब बाय कि पानी थोर थोर कुआ मा आइगै बाय। अबहीं अउर सफाई कै जरुरत बाय। जब कुए मा परा नेवार मिल जाए तब पानी ठीक आवै लागे। तब मनई जानवर सबका पानी कै सुविधा होय जाये।
प्रधान शशि सिंह बताइन कि मनरेगा के तहत सफाई करवाइके वकरे बाद पानी भरवाय जाये।