उत्तर प्रदेश के बुन्देलखण्ड के इलाके मा खाद्य सुरक्षा अधिकारिन के तहत राशन कार्ड बनै का काम या समय काफी तेज रफ्तार से चल रहा हवै। अबै सरकार द्वारा चलाई गे या योजना का लाभ पात्रन का मिलत हवै। या अपात्रन का उत्तर प्रदेश सरकार कइती से 1 जनवरी कइती से राष्ट्रीय खाद्य सुरक्षा अधिनियम के तहत खाद्य रसद राशन कार्ड तीन महीना खातिर बनाइस हवै। यहिके तहत राशन कार्ड बनवावैं खातिर मड़इन का ताता लाग हवै मड़इन का सबसे ज्यादा राषन कार्ड बनवावैं मा परेषानी उठावै का पर रही हवै। मड़ई राषन कार्ड का फार्म जमा करै कोटेदार के लगे जात हवै। वा कहि देत हवै कि मोहिका खुदै यहिके बारे मा जानकारी नहीं आय। अब या बात जानब जरुरी हवै कि सरकार योजना तौ नई चलावत हवै, पै वहिके बारे मा योजना से जुड़े अधिकारिन अउर करमचारिन का पता नहीं रहत हवै तौ उनका यहिके बारे मा सरकार का जानकारी दं के जरुरत हवै।
दूसर बात या भी हवै कि सरकार आपन बनाइगे योजना का समय समय मा पलट के दुबारा देखै कि यहिकर लाभ केहिया मिलत हवै। पात्रन का या अपात्र लोगन का।
