जिला चित्रकूट, ब्लाक रामनगर, कस्बा राजापुर मा नाला अउर नाली खुली पड़ी हवै जेहिसे मड़ई बीमार होत हवै।बस्ती के आबादी ग्यारह हजार हवै पै हिंया कत्तौ दवाई नहीं छिड़की गे आय। नाला के सफाई होत हवै तौ महीनन कूड़ा नहीं हटावा जात आय। सफाई नायक चन्द्रभूषण बताइस कि दवा छिड़काव पन्द्रह दिना मा करावा जात हवै। जबै बीडीओ दवाई छिड़के का कहत हवै तौ दवाई फेर छिड़की जात हवै। दवाई छिड़के के दुई मशीन हवै। मुनिया देवी का कहब हवै कि नाला के तीन महीना से सफाई नहीं भे आय नाला मा महुंवा अउर कूड़ा फेंकत हवै जेहिसे गंदगी फइलत हवै मोर मनसवा का गंदगी से शुगर पीलिया अउर लीवर ख़राब होइ गे हवै जेहिसे दसन लाख रुपिया दवाई करावै मा लाग हवै। जूड़ी बताइस कि घर के सामने नाला होय से बहुतै परेशानी होत हवै काहे से गंदगी से बीमारी फइलत हवै। बच्चा नाला मा गिर जात हवैं तौ हाथ गोड़ टूट जात हवैं फूलचंद्र बताइस कि पिछले साल मोर लड़का गंदगी बीमार होइ गा रहै तबै वहिका ग्वालियर लइ गये रहेव तौ मोर तीस–पैंतीस हजार रूपिया लाग रहै। इं नाला के सफाई होइ जात अउर पाट दीन जात तौ सबै का आराम होइ जई।
रिपोर्टर-सहोद्रा
Published on Dec 1, 2017
