पेंटिंग करईत पुनिता देवी
मधुबनी जिला के पुनिता देवी मधुबनी पेंटिंग से अपन परिवार के भरण पोषण करई छथिन। उ अपन हाथ के हुनर से हरेक तरह के चित्र बनबई छथिन जे देख के लोग दंग रह जाई छई। उ विजनेस अपना जिला से लेके केन्द्र तक के दिल्ली हाट मार्केट में पंद्रह साल से इ व्यवसाय करई छथिन अउर अपन परिवार चलबई छथिन।
पुनिता देवी कहलथिन कि हम इ काम पच्चीस साल से करई छी। गांव में दस साल काम कइली अउर ओई के बाद दिल्ली हाट में गमला, हाथी, मउनी अउर बहुत तरह के सामान बनबई छी। इ बनावे के लेल पेपर के गला के गोन्द मिला के तइयार करई छी। तब ओई पर पेन्ट से सजबई छी अउर एक गमला दु सौ पचास रूपईया में बेचई छी। इहां दिल्ली हाट में लगभग बीस साल से हम इ बिजनेस करई छी। पुरा परिवार के साथ रहई छी। इ काम के लेल शुरूआत में परेशानी भेल लेकिन अब बाजार जम गेल त कोई दिक्कत न होईय।