बिना बताये स्कूल से निकारिन

प्राथमिक विद्यालय

जिला फैजाबाद, ब्लाक मया, गांव राजापुर। हिंआ प्राथमिक विद्यालय कै अपनी रसोइया कै श्यामा का स्कूल से निकार दिहिन। प्रधान अउर हेडमास्टर अबहीं तक पांच महीना कै पैसा नाय मिला बाय।
श्यामादेवी बताइन कि हम दसन साल से खाना बनावत रहेन लकिन अबहीं ले हमका नाय निकारिन। जबकि स्कूल मा बच्चन कै संख्या अट्ठासी बाय। ई नया सत्र शुरु भै दुई महीना बीतै का भै अउर हम सब खाना बनावत रहेन जबकि कइव महीना से पैसा नाय मिलत बाय। हम गरीब मनई का वही कै सहारा रहा कि आज नाय तौ दुई महीना बाद मिले लकिन अब इहौ आसरा खत्म होयगा।
प्रधान संतराम अउर स्कूल कै हेडमास्टर सुमन सिंह बताइन  कि बच्चै कम होयगा हइन यही से एक रसोइया का निकारै का परा बाय। हम ब्लाक के सहायक खण्ड शिक्षा अधिकारी के पास मानदेय के खातिर मांग करे हई। जैसे पैसा आय जाये हम देवाय दियब।
खण्ड शिक्षा अधिकारी अरुण कुमार बताइन कि यहि महीना के अन्त तक पैसा आय जाये अउर सबका मिल जाये।