बिना बच्चा के चलई छई केन्द्र

आंगनबारी केन्द्र पर बईठल सेविका

जिला शिवहर, प्रखण्ड तरियानी, गांव वैधनाथपुर, वार्ड नम्बर ग्यारह। इहां 10 मार्च 2015 के आंगनबारी केन्द्र संख्या तिरपन पर एको गो बच्चा न रहई। जबकि बच्चा के नामांकन चालिस रहई।
ऐई केन्द्र के सेविका आशा कुमारी कहलथिन कि सब दिन बच्चा अबइ छई। लेकिन आज न अलई। ऐना न बच्चा न रहई छई लेकिन खाना खाये के बेरी बहुत बच्चा हो जाई छई। उहां के लोग सब कहलथिन कि तीन चार रोज से उ अयबे न करइ छथिन। आज अयबो कलथिनह त बच्चा पर न ध्यान करई छथिन जेइ कारण बच्चा सब केन्द्र पर जाये ला न चाहई छई।
सुपरवाइजर ज्योति कुमारी कहलथिन कि केन्द्र पर बच्चा न रहई त करवाई कयल जतई।
जिला बालविकास परियेजना के पदाधिकारी जहांगीर आलम कहलथीन कि एइसे त नियम है कि 10 से 2 बजे तक खोले के और कम से कम प्रन्द्रह बच्चा केन्द्र पर रहे के चाहिए। जब ओइ केन्द्र पर बच्चा न रहइ त ओइ के बारे में सी डी पी ओ से पुछल जतइ।