बिजली बिल से परेशान लोग

कार्यपालक अभियंता सुरेश प्रसाद

जिला सीतामढ़ी, प्रखण्ड रीगा, पंचायत, गांव बुलाकीपुर। उहां बिजली के लाईन चल गेल हई। लेकिन बिल न जा रहल हई जेई कारण कंज्यूमर सब बहुत परेशान छथिन।
उहां के लोग मिथलेश कुमार, उमेश कुमार, सुबोध कुमार कहलथिन कि इहां बी.पी.एल. के तहत तार, मिटर, बल्ब लगभग पांच वर्ष पहिले मिललई। उहां पच्चीस केवी के ट्रांसफार्मर भी लगल हई। बी.पी.एल. के लगभग एक सौ बीस कंज्यूमर भी हई। साल भर से बिजली जलई छई लेकिन अभी बिल न आयल हई। जेई कारण लोग सब परेशान छथिन। जुनियर इंजिनियर मोहम्मद इकवाल कहलथिन कि बिल बनाके भेजले छी, देर लगई छई लेकिन बिल मिलतई।
जिला शिवहर, प्रखण्ड तरियनी के हिरौता दुम्मा अउर माधोपुर छाता के बिजली 23 दिसम्बर 2013 के चैबीस घण्टा के लेल काट देल गेलई। कारण बिजली के बिल लोग जमा न कयले रहथिन। बिजली विभाग के कार्यपालक अभियंता सुरेश प्रसाद कहलथिन कि लोग अगर आधा अधूरा भी रूपईया जमा कर देतई त बिजली चालू कर देल जतई। हर आदमी के लगभग दू हजार के बिल आयल हई।