बिजली के लेल मचल कोहराम

जिला शिवहर, प्रखण्ड तरियानी। इहां ऐई गर्मी में बिजली के कटौती से लोग परेशान छथिन। अट्ठारह घण्टा बिजली के वादा अधुरा ही रह गेलई।
माधोपुर छाता के धर्मेन्द्र कुमार चित्रकला देवी, सुशीला देवी, राम कुमार शर्मा कहलजथिन कि ऐई गांव में लगभग तीन साल पहिले बिजली अलई। कुछ दिन दु-चार घण्टा जरलई ओकरा बाद ट्रांसफाॅर्मर जर गेलई। साल भर के बाद ट्रांसफाॅर्मर लगलई त हमरा सब के बुझायल अब बिजली रहतई। शुरू में रहे भी पर अब लगभग तीन चार महिना से बिजली के अनाई अउर जनाई के कोनो समय न रहई छई। उहे रेवासी के खैरून खातून, जुबैदा खातून कहलथिन कि दु-तीन दिन भी हो जाई छई बिजली के अयला। ऐई गर्मी में बिजली रहल त लोग के गर्मी में कुछ राहत मिलई छई।
कार्यपालक अभियंता सुरेश प्रसाद सिंह कहलथिन कि अक्सर गर्मी में बिजली के खपत बढ़ जाई छई। लेकिन उत्पादन त ओतने होई छई जेई कारण बिजली कटौती करे परई छई।