खबर लहरिया सबकी बातें बिजली के बदलइत नियम

बिजली के बदलइत नियम

11-light-3002010 में राजीव गांधी विद्ययुत वोर्ड योजना चललई। जेकर लक्ष्य रहई गांव गांव में बिजली पहुँचे। लेकिन इ काम अधुरा ही रह गेलई। अब नया योजना के तहत एक साल में हर दूर दराज के गांव में बिजली पहुँचावे के लक्ष्य निधरित कलथिन ह।
शिवहर अउर सीतामढ़ी में आई भी मात्र 30 से चालिस प्रतिशत गांव में ही बिजली पहुँच पलईय। उहों बिजली के ट्रांस्फोमर अइसन लगलई कि उ या त खराब हो गेलई या चोरी हो गेलई। अइसे में जे सुविधा गांव के लोग के लेल अलई ओकर लाभ भी उ न उठा पवई छथिन। अब तक जे लक्ष्य पुरा न होलई ओकरा नया योजना के तहत केतना सार्थक बनायल जतई इ त आवे वाला समय ही बततई। जबकि तीन महिना के अन्दर एबी प्लक लगावे के हई जइसे ट्रांस्फोमर से लाईन काटल जा सके दोसर जरजर तार के बदले के हई जइसे गांव तक बिजली पहुँचे में कोई परेशानी  न हो। ट्रांस्फोमर बदलके भी हई जइसे बिजली पहुचे में कोई बाधा न हो। जइसन लक्ष्य निधारित कयल गेल हई। ओइसन सुविधा अगर मिलतियई। तब आगे शायद लोग के बिजली के लेल उनकर कार्यालय के चक्कर न काटे के होतई।