खबर लहरिया ताजा खबरें बिजली के तार गिरैं से दस जने घायल

बिजली के तार गिरैं से दस जने घायल

सड़क मा लाग जाम

सड़क मा लाग जाम

जिला बांदा, ब्लाक महुआ, गांव पनगरा। हेंया 19 जून 2014 का सुबेरे 7 बजे बांदा नरैनी मेन सड़क मा पनगरा के पास ग्यारह हजार पावर के तार टूट के गिर गें। जेहिसे दस जने घायल होइगंे। पनगरा गांव के मड़इन का गृहस्थी का सामान जल गा है। गुस्सान मड़ई सड़क जाम करिन।
गांव के अरविन्द कुमार अउर दीपक बतावत हैं -“हमरे गांव से ग्यारह हजार पावर के बिजली के तार निकरी है। तार यतना जर जर है कि कइयौ दरकी टूट चुके हैं । आज इनतान से तार टूट कि ब्रजकिशोर, शियाकली, लवलेश अउर शकुन्तला समेत दस मड़ई घायल होइगे। घायलन का नरैनी सामुदायिक स्वास्थ्य केन्द्र मा भर्ती कीन। होंआ से जिला अस्पताल बांदा का रिफर कई दीन गा अउर एक जने के मउत होइगे है। माया कहत है कि हमार फ्रिज, कूलर फुंक गा है। तार मा यतना तेज करंट रहै कि फर्स जल गें। पप्पू कहत है कि डेढ़ महीना पहिले नरैनी तहसील मा दरखास दीन कि तार खम्भा हटायें जाय पै कउनौ कारवाही नहीं भे। या से मड़ई बुहतै परेशान है।
विद्युत वितरण खण्ड बांदा का अधिशाषी अभियन्ता कमलेश कुमार अउर अतर्रा एस.डी.ओ. रविन्द्र कुमार कहत हैं कि ट्रांस्फारमर के मशीन खराब होय से तार टूट है। जांच कइके नये सिरे से तार अउर तारन मा पाइप लगवावा जई। घायलन का उचित मुआवजा खातिर रिपोर्ट भेजा है।