बिजली का बिल ज्यादा आवत

जिला चित्रकूट, ब्लाक कर्वी, गांव लोढ़वारा। हिंया तीन मड़इन का बिजली का बिल तीन महीना मा छत्तिस सौ रूपिया जनवरी 2015 का आवा हवै।
गांव के चैबा, हरि अउर शकुंतला का कहब हवै कि हमार एक महीना का सात सौ रूपिया बिजली का बिल आवैं का चाही। काहे से कि हम लोग तीन लट्टू जलाइत हन अउर रात मा एक पंखा चलाइत हन। पता नहीं कि बिजली विभाग वाले येत्ता ज्यादा बिल काहे भेजिन हवैं। यहै से बहुतै समस्या हवै कि येत्ता रूपिया कसत जमा करबे। यहिके खातिर कर्वी बिजली विभाग मा 2 अप्रैल का लिखित दरखास दीने रहेन, पै सुनत नहीं आय।
कर्वी बिजली विभाग के एस.डी.ओ. आशीष कुमार शर्मा का कहब हवै कि अगर बिजली का बिल ज्यादा आवत हवै तौ मड़ई आपन बिल लइके आवैं तौ बिल कम कइ दीन जई। अगर मड़इन के बिजली का मीटर खराब हवै तौ उंई आपन बिजली का मीटर सुधरा लें।