सरकार बिजली के दाम बढ़ा दिहिस हैं यहै कारन यहिके खिलाफ बांदा जिला मा 7 दिसम्बर का नेता अउर मड़ई प्रदर्शन करिन हैं। सिटी मजिस्ट्रेट से राज्यपाल का ज्ञापन भेज के बिजली के बढ़े दाम वापस लें के मांग कीन गें है।
समाजवादी पार्टी के जिला महासचिव प्रदीप यादव का कहब है कि भाजपा सरकार नगर निकाय चुनाव के बाद बिजली मा बहुतै दाम बढ़ाइस है। जेहिसे किसान, मजदूर अउर गरीब मड़इन का बहुतै परेशानी होइ। यहै कारन जनता के विरोध वाले काम का रोकें खातिर सड़क मा उतरे हन अउर ज्ञापन दीने हन।
वकील सुनील कुमार का कहब है कि एक कइत किसानन का कर्जा माफ कीन जात है तौ दूसर कइत उत्तर प्रदेश के सरकार बिजली के दाम बढ़ा के आपन बजट पूर करत है। गरीब मड़इन के तीस-तीस हजार के बिल भेजत है। दुइ सौ रुपिया कमायें वाले कसत येत्ता भरिहैं। इनतान का अंधेर पहिले कत्तौ नहीं देखा आय।
रिपोर्टर-गीता देवी
Published on Dec 8, 2017
