बांदा जिले में ग्रामीणों ने डीएम एसडीएम को दिया ज्ञापन, की राशनकार्ड की जाँच की मांग

जिला बांदा,ब्लाक नरैनी,गांव पहाड़पुर। हेंया के लगभग पचास प्रतिशत मड़ई राशनकार्ड के जांच खातिर डी.एम से मांग करिन हैं। मड़इन का आरोप है कि हमार गांव मा पात्र मड़इन के नाम राशनकार्ड से काट दीन गें हैं।यहै कारन हम दर-दर भटकित हन नरैनी के सप्लाई इन्स्पेक्टर अजय कुमार  का कहब है कि सत्यापन मा जउन मड़इन के नाम काटे गें हैं उंई दुबारा फार्म जमा करे इनतान के शिकाइत के जांच कराई जई।
कमला बताइस कि राशनकार्ड नहीं आय तौ हमें गल्ला  अउर मिटटी का तेल नहीं मिलत आय।कोटेदार हमार राशनकार्ड नहीं बनावत  आय। दुर्गा दीन बताइस कि हमार पहिले राशनकार्ड बना रहै पै सत्यापन मा हमार नाम काट दीन गा है डेढ़ साल से हमें कुछौ राशन नहीं मिलत आय।पहाड़पुर का प्रधान बताइस किसत्यापन करें खातिर जउन सूची  बनाई गे है  वहिमा पत्र मड़इन के नाम काट दीन गे हैं दूसर मड़इन के नाम नहीं जोड़े गे आहीं।
03/11/2017 को प्रकाशित
बाईलाइन-गीता देवी